HKK Gründungsdaten:
| Wann: | 04. Sepdember 1964 |
| Wo: | in de Hauptstroß 31 |
| Wer: | Wingertszahn Horst (damalischer Mundschenk un Bandchef) Bohländer Volker (damalischer Kerwereddner) Noll Hans-Jörg Gerhard Georgens (Teufelsband-Mitglied) |
| Warum: | Im Johr 1957 wurd die damalische Kerweborsch-Vereinischung uffgelöst. Seit dem hots kä rischdischie Kerb mer in Hertlingshausen gegeb. Darum henn sich die vier Jungs uffem Horst (war grad vum Barras zurick kum!) seim Geburtsdag getroffe, besoffe un dann es HKK gegründt. Jaja, so kanns gehe, zuerschd motzense, das ihr Kinner im HKK sinn, un dann kummd raus, das se Mitbegründer sin, gell Gerhard G. Aber selbschd verständlich warn des net die enzische vier, die zum damalische Zeitpunkt im HKK waren. Unner de annere waren so wohlklingende Name, wie: Rößel Reinhard, Franzreb Kurt, Böhm Peter (Kerweborsch 1965), usw. Es erschde Kerwemädche war übrigens die Roswitha Noll. Am gleiche Dag hennse noch die Teufelsband gegründt. Da mer zu dere Zeit net allzuviel Kohle hat, henn die drei (Horst, Volker un Gerhard) als Begleitmusiker uff de Kerb gespielt. Hot sich net allzuviel geännert zu heit, mer brauchen nämlich a immer Geld. Als drittes hense dann noch (ich will jetzt net behaupte, das die absolut voll warn) es Polderkomitee gegründt. Darum nennen die a de 04. Sepdember die "Dreiergeburt". |
| Kurioses: | In de erschd Kerweredd noh de Gründung (1965), do hot bei faschd alle Exemplare die Seit 8 gefehlt. Einische sahn, es wär en Druckfehler gewess, aber ich behaupt, das de Gerhard überall die Seit rausgerisse hot, weil die Redd über ihn war! Er hot damals uffem Plumsklo sein Fiehrerschei verlore, un mit viel Mieh un Not en wieder raus gefischd :-) Die ganz Geschicht kennener "bald" unner em Archiv nohlese! |
| Treffpunkt: | Damals hennse sich immer in de Spielhöll vun Las Vegas (Kloschderhofstroß 2, im ehemalische Kloschder, des war emol e Kneip!), un zwar immer im Nebezimmer 4, getroffe. Fraue waren damals net erwünscht, weil dann e großie Alkoholvergiftungsgefahr bestanne hot. Heit zu Dah saufen uns die Kerwemäd (Sabby, Steffi & Co) im Stand unner de Disch - wie sich die Zeit ännert! |